Minor (Минор) қосымша білім беру бағдарламасы

Minor (Минор) қосымша білім беру бағдарламасы – білім алушыларға қосымша құзыреттіліктерді қалыптастыру мақсатында анықталған пәндер және (немесе) модульдер және оқу жұмысының басқа да түрлерінің жиынтығы (Кредиттік оқыту технологиясы бойынша оқу үдерісін ұйымдастыру қағидалары ҚР БҒМ 12.10.2018ж № 563 бұйрығы).

Minor – бакалавриаттың жаңа білім беру моделінің маңызды құрамдас бөлігі, оны іске асыру Ахмет Байтұрсынұлы атындағы Қостанай өңірлік университетінде 2020 жылдан бастап қолға алынды. Білім алушы ЖОО компоненті және (немесе) таңдау компоненті шеңберінде оқытудың жеке траекториясын айқындау кезінде негізгі білім беру бағдарламасы (Major) және қосымша білім беру бағдарламасы (Minor) бойынша пәндерді таңдайды.

Қосымша мамандану (Minor) студенттерге өздерінің негізгі білім беру бағдарламаларына тікелей байланысты емес салаларда жаңа дағдылар мен қосымша білім алуға мүмкіндік береді, бұл олардың академиялық және кәсіби тәжірибесін кеңейтуге ықпал етеді.

Қостанай өңірлік университетінде бакалавриат білім алушылары үшін Minor білім беру бағдарламаларының тізімі төртінші семестрдің соңында ұсынылады. Әрбір білім алушы бір Minor бағдарламасын таңдауға мүмкіндігі бар.

Minor бағдарламасының ерекшеліктері:

• 3 курста (5,6 семестр) кезекпен оқытылатын 3 пәннен тұрады;
• жалпы еңбек сыйымдылығы 15 кредит (әр пән – 5 кредит);
• еңбек сыйымдылығы негізгі білім беру бағдарламасының құрамына кіреді (Minor пәндерінің кредиттері 240 кредиттің құрамында есептеледі);
• әрбір студент өз білім беру бағдарламасынан тәуелсіз, жалпы тізімнен дербес таңдайды.

Minor бағдарламасын қалай таңдау керек:

1. Өз қызығушылықтарыңызды анықтау. Болашақ кәсіби қызметіңізде немесе жеке дамуыңызда қай қосымша дағдылар мен білімдер пайдалы болуы мүмкін екенін ойластырыңыз.
2. Қолжетімді бағдарламаларды зерттеу. Университеттің әр түрлі факультеттері ұсынатын барлық Minor бағдарламаларының мазмұнымен танысыңыз.
3. Эдвайзермен кеңес. Өз таңдауыңызды эдвайзермен талқылаңыз, ол сізге ең тиімді бағытты таңдауға көмектеседі.
4. Minor бағдарламасына тіркелу. Таңдаған Minor бағдарламасына тіркеліп, кәсіби өрісіңізді кеңейте бастаңыз.

Бакалавриат студенттеріне арналған Minor каталогы:

2025 жыл