Жаһандық сын-қатерлерді ескере отырып, біз жаңа форматта дипломдарды тапсырамыз.
Ересек өмірге биылғы жылы біздің ЖОО қабырғасынан 1099 студент шығарылады, олардың ішінде 324 студент үздік бітірді, 207 студент –"Серпін" бағдарламасына қатысушылары, олар біздің өңірге жұмысқа орналаспақ.
Алда – жетістіктер мен тәуелсіз өмір кезеңі. Уақыт талаптарына жауап бере отырып, біздің университет барлық ғылымдар бойынша терең фундаментальды білім береді және жоғары технологиялық өндірістер құра алатын, оларды игере алатын заманауи, сұранысқа ие мамандарды дайындайды. А.Байтұрсынов атындағы ҚМУ түлектері өз әріптестерінен жоғары кәсіпқойлығымен, білім деңгейімен, шығармашылық, жаңашылдық қарым-қатынасымен ерекшеленеді. Мұндай пікірлерді біздің серіктес-жұмыс берушілерден аламыз. Бұған куә ретінде 2020 жылғы шығарылымның жұмысқа орналасуының алдын ала саны 78% - ға жетті.
Оқу жылдарында студенттеріміз қолданбалы дағдылар мен баға жетпес тәжірибе алып қана қоймай, сонымен қатар өмір бойы серік болатын нағыз достарды кездестіреді. Біздің университет түлектерінің дипломдары олар үшін кәсіби жолда сенімді жолсерік.
