Қазақстан Республикасы Үкіметінің 2016 жылғы 10 маусымдағы №344 қаулысына және 2016 жылғы 13 шілдедегі ректордың жеке құрам бойынша №14 бұйрығына сәйкес А.Байтұрсынов атындағы Қостанай мемлекеттік университеті базасында запастағы офицерлерді даярлау бағдарламалары бойынша әскери кафедра құрылды.
Кафедраның барлық профессорлық-оқытушылық құрамы университет жанындағы педагогикалық шеберлік курстарынан және Ұлттық қорғаныс университетінің біліктілікті арттыру курстарынан тұрақты түрде өтеді.
Әскери кафедрада болашақ офицерлер – Отан қорғаушыларында жоғары моральдық-психологиялық қасиеттерді қалыптастыруға бағытталған жүйелі және мақсатты әскери-патриоттық тәрбие жұмысы жүргізіледі.
2018 жылдың 4 мамырында кафедра базасында «Жәнібек Тархан» әскери-патриоттық клубы құрылды.
Толық әскери дайындық курсын аяқтағандарға «запастағы лейтенант» және «запастағы кіші сержант» әскери атағы беріледі
Әскери дайындық азаматтық оқуымен қатар жүргізіледі, яғни студент әскерге шақырылмай-ақ, оқу бітірген соң бірден әскери билет алады
Офицерлік немесе сержанттық атақ университетті аяқтағаннан кейін жұмысқа орналасуда қосымша артықшылық береді
Алынған әскери атақ әскери есеп мамандығы бойынша еңбек етуге мүмкіндік береді
Қарулы Күштер қатарына шақырылған жағдайда әскери кафедра түлектері Қазақстан Республикасының заңнамасына сәйкес барлық қажетті қамтамасыз етумен (киім-кешек, тамақ, жалақы және т.б.) қамтамасыз етіледі
Запастағы офицерлерді даярлау бағдарламасы бойынша – кемінде 2 жыл 5 ай
Запастағы сержанттарды даярлау бағдарламасы бойынша – кемінде 1 жыл 5 ай
Мекенжайымыз:
110000, Қазақстан Республикасы, Қостанай қаласы, Абай көшесі, 28
8(7142) 39-56-48
