Білім алушылардың шағымдарын қарау тәртібі

1. Эдвайзер-кураторлар → институт/факультет → академиялық мәселелер жөніндегі проректор → Басқарма Төрағасы-Ректор

Эдвайзер-кураторлар білім алушылардың шағымдары мен ұсыныстарын келесі кезектілікпен береді: кафедра меңгерушісіне, деканның/директордың орынбасарына, факультет деканына/институт директорына, академиялық мәселелер жөніндегі проректорға.

Егер мәселе кафедра меңгерушісі немесе деканның/директордың орынбасары деңгейінде шешілмесе, ол ауызша немесе жазбаша түрде факультет деканына/институт директорына беріледі.

Көп жағдайда даулы мәселелер кафедра меңгерушісі, деканның/директордың орынбасары немесе факультет деканы/институт директоры деңгейінде шешіледі.

Аталған деңгейде мәселе шешілмеген жағдайда, шағым белгіленген кезектілікке сәйкес әрі қарай академиялық мәселелер жөніндегі проректорға және қажет болған жағдайда университет басқармасының жоғары деңгейіне жолданады.

2. Білім алушылар → әлеуметтік-тәрбие жұмыстары жөніндегі проректор

Бұл жағдайда білім алушылардың жазбаша өтініштері әлеуметтік-тәрбие жұмыстары жөніндегі проректорда тіркеліп, аталған проректор деңгейінде қаралады.

3. Білім алушылар → Басқарма Төрағасы-Ректор

Бұл схема университеттің ресми поштасы, ректор блогы немесе жеке мәселелер бойынша қабылдау арқылы жүзеге асырылады.

Ағымдағы бақылау, ағымдағы (рейтингтік) бақылау және аралық аттестаттау бойынша апелляциялар сияқты бірқатар шағымдар Академиялық саясат және оқу қызметі басқармасымен реттеледі.

Білім алушының университет басшылығына шағымы Студенттік өзін-өзі басқару органдары арқылы да берілуі мүмкін.

Әрбір институтта/факультетте студенттік көшбасшылар сайланған.

Университеттің Студенттік өзін-өзі басқару органдарының функционалдық міндеттеріне білім алушылардың өтініштері мен шағымдарын қабылдау және қарау, бұзылған құқықтарын қалпына келтіру мақсатында шаралар қабылдау, ұсыныстар мен өтініштер жолдау, даулы жағдайларды шешу, сондай-ақ білім алушылардың әлеуметтік құқықтары мен мүдделерінің сақталуын бақылау кіреді.