Бейресми білім беру

Ересектерге арналған бейресми білім беру – бұл оқу орны, уақыты мен оқу нысанына қарамастан білім беру қызметтерін ұсынатын ұйымдар жүзеге асыратын білім беру түрі. Оқу нәтижесінде оқуды аяқтағаны туралы сертификат беріледі.

Бейресми білім беру бағдарламалары бойынша курстарды Құзыреттер мен мансаптық өсу офисі жүзеге асырады. Курстардың негізгі мақсаты – ересектердің танымдық және кәсіби қажеттіліктерін қанағаттандыру.

Бейресми білім беру нәтижелерін мойындау арнайы комиссия арқылы жүзеге асырылады. Комиссия ұсынылған құжаттарды қарап, бейресми білім беру нәтижелерінің оқу бағдарламалары талаптарына сәйкестігін бағалайды.

Тыңдаушылар санаты

Бейресми білім беру бағдарламалары бойынша курстардың тыңдаушылары бола алады:

• Университеттің білім алушылары;
• Университеттен тыс өз біліктілігін арттыруға ниетті тұлғалар.

Курстардан өту тәртібі

Университет студенттері бейресми білім беру курстарынан оқу процесінен бос уақытта, соның ішінде каникул кезеңінде өте алады.

Курстардан өту тәртібі келесідей:

• оқу жоспарына кірмейтін қосымша пәндерді меңгергісі келетін білім алушы Құзыреттер мен мансаптық өсу офисіне оқу жылы ішінде өтініш береді;
• кәсіби білім беру бағдарламасын игеру үшін қажет пререквизиттерді меңгергісі келетін білім алушы да Құзыреттер мен мансаптық өсу офисіне белгіленген үлгідегі өтінішпен жүгінеді.

Курстарға қатысу үшін қажетті құжаттар

Бейресми білім беру бағдарламалары бойынша оқуға ниетті тұлғалар Құзыреттер мен мансаптық өсу офисіне төмендегі құжаттарды тапсырады:

1. белгіленген нысандағы өтініш;
2. жеке басын куәландыратын құжаттың көшірмесі.

Байланыс:

📞 8 (7142) 51-14-75 Құзыреттер мен мансаптық өсу офисі

Ахмет Байтұрсынұлы атындағы Қостанай өңірлік университеті