Университет ректорының ресми блогы
![](/images/page/ksu/О КГУ/Руководство/kuanishbauev_seitbek.jpg)
Куанышбаев Сеитбек Бекенович
А. Байтұрсынов атындағы Қостанай өңірлік университетінің Басқарма Төрағасы-Ректоры,
География ғылымдарының докторы
Қымбатты достар!
Ахмет Байтұрсынұлы атындағы Қостанай өңірлік университетінің ресми сайтына қош келдіңіздер!
Қостанай өңірлік университеті – ерекше және ғажап оқу орны. Жоғары және жоғары оқу орнынан кейінгі білім беру ұйымдары қызметінің жекелеген салаларындағы жарқын жеңістері мен елеулі жетістіктерінің саны бойынша еліміздегі ең көне немесе ең ірі университет бола алмағанына қарамастан, біздің университет көбіне атақты жоғары оқу орындарынан кем түспейді, тіпті олардан асып түседі.
Біздің университеттің бай және қызыққа толы тарихын көптеген талантты, ерік-жігері мықты және бірегей адамдар жасаған, олар өз Alma mater-ін жақсы көрді және мұнда ұлттық тәрбиенің озық дәстүрлерімен жұмыс істеді. Аға әріптестерінен қалған барлық жақсылық пен жарқындықты мұқият сақтай отырып, қазіргі ұжым ғылым мен инновация саласындағы озық тенденцияларды ұстанып, өзін белсенді түрде дамытып, университетімізді де дамытып келеді. ҚӨУ түлектері жоғары кәсіби біліктілік пен терең пәнаралық білімді ұштастыра біледі. Нәтижесінде Қостанай облысы тұрғындарының бірнеше ұрпағы осында өздері білім алып, балалары мен немерелерін бізге әкеліп жатыр.
Университеттің ғылыми-инновациялық жұмысы іргелі және қолданбалы зерттеулерді дамытуға, ғылымды көп қажет ететін өнімдерді жасауға, заманауи өндіріс пен қоғамның қажеттіліктерін қанағаттандыруға бағытталған. Өсімдік шаруашылығы, ауыл шаруашылығы, агрохимия және топырақтану, микробиология, ветеринария және мал шаруашылығы, өсімдік және жануарлар биотехнологиясы, ауыл шаруашылығын механикаландыру және электрлендіру, IT-технологиялар, археология саласындағы, сондай ақ гуманитарлық-педагогикалық бағыттағы ҚӨУ оқытушыларының ғылыми зерттеулері мен әзірлемелерінің практикалық нәтижелері республикада кеңінен қолданылуда.
Университет қызметінің жетекші бағыттарының бірі халықаралық ынтымақтастық болып табылады. Қос дипломдық бағдарламалар, академиялық ұтқырлық, халықаралық ғылыми және білім беру жобалары жүзеге асырылуда, университеттің шетелдік серіктестерінің белсенді қатысуымен ғылыми іс-шаралар өткізілуде.
Жыл сайынғы рейтингтің қорытындысы бойынша университет ЖОО-ның білім беру бағдарламаларының 80% «Атамекен» ҰКП рейтингінде және көрсеткіштердің тұрақты динамикасын көрсетіп отырғанын қуана хабарлаймын. Ең маңыздысы, университетіміз аккредиттелген және барлық білім беру бағдарламалары 100% аккредиттелген. Осының барлығы Қостанай өңірлік университетінде білім алу тек іргелі білімдерді меңгеру және кәсіби құзіреттілікті қалыптастыру ғана емес, сонымен қатар заманауи мамандарға қойылатын әлемдік талаптарға сәйкестік екенін барынша дәлелдейді.
Ахмет Байтұрсынұлы атындағы Қостанай өңірлік университетінде тек кәсіби білім алу үшін ғана емес, жеке тұлғаның үйлесімді дамуына барлық жағдай жасалған.
Студенттердің мәдени, спорттық және қоғамдық өмірдегі қабілеті мен дарындылығын ашуға көп көңіл бөлінеді. Нағыз оқиғалар, тартымды жобалар, ғылыми жаңалықтар және жаңа қызықты танысулар – мұның бәрі сізді біздің университетте күтеді!
Біз сіздерді Қостанай өңірлік университетінің қабырғасында, сондай-ақ осы сайтта және әлеуметтік желілердегі парақшаларда күтеміз!
Құрметпен, ректор С.Б.Куанышбаев
Өтініштер:
Жалпы грантта болмайды, 4 қалаға 4 мамандық жазу керек дейді,ол солай ма? Түсіндіріп өтсеңіз.
Бейімдік пәнім:Ағылшын мен Дүние.ж.т.
Немесе 95 баллмен жалпы грантқа түсе аламын ба?
№2 Пед квота Яссави Қазақ-Түрік университетінде барма?
№3 Пед квотаны қалай белгілейміз,4 таңдау кезінде.
№4 Пед квотаны 4 не 2 қалаға 1бірдей мамандық таңдап таңдаса болады ма әлде тек бір рет пе?
№5 Жалпы пед квота деген кәдімгі грант сияқты грант түрі ме?
1. Грант конкурсына қатысуыңыз керек.
2. Яссауи университетінен сұрайсыз.
3. Пед квота жалпы конкурстың ішінде болады. Жеке белгілемейсіз
4. Алматыны немесе Астананы тек 1 рет белгілейсіз(екеуінің біреуін ғана). Қалған аймақтарды белгілегенде мамандықты қайта жазуға болады.
5. Иә, мемлекеттік грант
№2 80 баллмен биология пәнінің мұғалімі бола аламын ба?
№3 пед квотаны қалай көрсетуге болады?
1. Педагогикалық мамандықтарға түсу керек.
2. 2023-2024 оқу жылы Биология пәні мұғалімдерін даярлау мамандығына 78 балмен біздің университетке грантқа түскен.
3. Педагогикалық квота грант конкурсына өтініш беріп жатқан кезде автоматты түрде белгіленеді.
Педагогикалық мамандықтарға грантқа түсу үшін 12.07.2024 жылға дейін Арнайы емтихан тапсыру міндетті. Оны біздің сайт арқылы тапсыра аласыз.