Baitursynuly University тағы да шетелдік қонақтарды қарсы алды. Қытайдың Солтүстік-Батыс ауыл және орман шаруашылығы университетінің профессоры Вейсин Шан ҚӨУ студенттері, магистранттар мен докторанттарға дәріс оқыды.
Қытай университеті және ҚӨУ арасында тығыз ғылыми және академиялық байланыс орнатылған. Профессор, топырақ және су сақтау NWAFU факультетінің деканы Вейсин Шан осы жазда ҚӨУ қонақта болды. Ол әріптестерімен бірге университетіміздегі тәжірибе алаңдарын аралап, қытайлық элиталық дақылдардың сорттарын сынақтан өткізу процесімен танысты.
- Біздің университеттеріміз бірқатар маңызды бірлескен жұмыстарды атқарды, - деп атап өтті Baitursynuly University Басқарма Төрағасы – ректор Сейтбек ҚУАНЫШБАЕВ. - Бірақ біз осымен тоқтап қалмаймыз. Ауыл шаруашылығы саласында жоғары деңгейдегі мамандарды даярлауға бағытталған көптеген қызықты ұсыныстарымыз бар.
Кездесу барысында қатысушылар серіктестікті дамыту жөніндегі алдағы қадамдарды талқылап, болашаққа жоспар белгіледі.
