«ТМД елдеріндегі денсаулық және адам құқықтары апталығы» мемлекетаралық акциясы аясында, «Жақсы денсаулық және әл-ауқат» және «Бейбітшілік, әділеттілік және тиімді институттар» тұрақты даму мақсаттарына сәйкес «Функционалды кондитерлік өнімдерді әзірлеудің заманауи үрдістері» тақырыбында ашық дәріс ұйымдастырылды.
Дәрісті ҚӨУ-дың азық-түлік қауіпсіздігі және биотехнология кафедрасының аға оқытушысы Дмитрий Калитка өткізді.
Ол кондитерлік саланың қазіргі жағдайы, өнім құрамының табиғилығы, сондай-ақ белгілі бір тұтынушылар тобына (спортшылар, балалар, арнайы тамақтану шектеулері бар адамдар) арналған кондитерлік өнімдерді өндіру мүмкіндіктері туралы сөз қозғады.
Сонымен қатар маркетинг пен тұтынушылық сұраныс мәселесіне ерекше назар аударылды.
Дәріс кондитерлік саланың қазіргі бағыттары, өнім сапасы мен функционалдығын арттырудағы инновациялық тәсілдер туралы тұтас түсінік беріп, қатысушылардың кәсіби көкжиегін кеңейтті және республикадағы, тіпті әлемдегі кондитерлік өнеркәсіптің өзекті трендтерін түсінуге мүмкіндік берді.
