Жоба жастар аудиториясына бағытталған. Ол оқу барысындағы күйзеліс, жақын адамдармен қарым-қатынастағы келіспеушіліктер, өзіне деген сенімсіздік, денсаулық пен тұлғааралық қарым-қатынас мәселелері сияқты күнделікті өмірде кездесетін қиындықтарды бастапқы деңгейде талдауға көмектеседі.
Цифрлық ресурс студенттерге қолжетімді форматта бастапқы қолдау алуға және әрі қарай қандай әрекет жасау керектігін түсінуге мүмкіндік береді. Дегенмен, ол кәсіби психологиялық көмектің орнын алмастырмайды.
Психология кафедрасының аға оқытушысы Сауле Айткужинованың жетекшілігімен университетте болашақ психологтар мен журналистерден құралған амбассадорлар тобы жұмыс істейді.
Амбассадорлар студенттерге «Ойла» ресурсының мүмкіндіктері мен қолдану шектерін түсіндіріп, оның бастапқы қолдау құралы ретіндегі рөлін таныстырады.
Сонымен қатар команда цифрлық ресурсты студенттердің нақты сұраныстарына бейімдеуге бағытталған ақпараттық қолдау көрсетеді.
ЮНЕСКО БАТИ жобасына қатысу университетке жастарды цифрлық қолдау және студенттердің психологиялық саулығын нығайтуға бағытталған халықаралық бастамаға қосылуға мүмкіндік береді.
