Колледж түлектеріне

Техникалық және кәсіптік, орта білімнен кейінгі білімі бар және оқытудың қысқартылған мерзімдерін көздейтін жоғары білім кадрларын даярлаудың сабақтас бағыттарына түсетін тұлғалар жоғары білімнің білім беру бағдарламалары топтары мен техникалық және кәсіптік, орта білімнен кейінгі білім мамандықтарының сәйкестігі жөніндегі әдістемелік ұсынымдар негізінде университетке қабылданады «Жоғары білімнің мәндес білім беру бағдарламалары топтары мен техникалық және кәсіптік, орта білімнен кейінгі білім мамандықтарының сәйкестігі жөніндегі әдістемелік ұсынымдары».

Оқуға түсуге қажетті құжаттар тізімі

1. Білімі туралы құжат — қосымшасымен бірге диплом/аттестат (түпнұсқа, көшірме және PDF электрондық нұсқасы);
2. Жеке басын куәландыратын құжаттың екі көшірмесі (қағаз және PDF электрондық нұсқасы);
3. 3 x 4 сантиметр көлеміндегі 6 фотосурет;
4. 075/у нысанындағы медициналық анықтама (қағаз және PDF электрондық нұсқасы);
5. 065/у (063/у) нысанындағы профилактикалық екпелер картасының көшірмесі бар болған жағдайда (қағаз және PDF электрондық нұсқасы);
6. ҰБТ сертификатының екі көшірмесі бар болған жағдайда (қағаз және PDF электрондық нұсқасы);
7. Басқа жоғары оқу орнында тапсырылған жағдайда шығармашылық немесе арнайы емтихан өткізу ведомосынан үзінді көшірме (қағаз және PDF электрондық нұсқасы);
8. Білім беру грантын тағайындау туралы куәлік – бар болған жағдайда (қағаз және PDF электрондық нұсқасы);
9. Тегі, аты, әкесінің аты өзгерген жағдайда – неке туралы куәліктің немесе Т.А.Ә. өзгергенін растайтын өзге құжаттың көшірмесі бар болған жағдайда (қағаз және PDF электрондық нұсқасы);
10. Артықшылықты құқықты/квотаны/жеңілдікті растайтын құжаттар бар болған жағдайда (қағаз және PDF электрондық нұсқасы);
11. Ер азаматтар үшін: әскери билеттің көшірмесі бар болған жағдайда (қағаз және PDF электрондық нұсқасы).

Техникалық және кәсіптік, орта білімнен кейінгі білімі туралы құжаттары бар, біліктілігін растаған және мамандығы бойынша кемінде бір жыл еңбек өтілі бар тұлғалар қосымша Қазақстан Республикасы Еңбек кодексінің 35-бабында көзделген құжаттардың бірін ұсынады. Құжаттар толық ұсынылмаған жағдайда университеттің қабылдау комиссиясы құжаттарды қабылдамайды.

Білім беру гранттары конкурсына қатысу

Оқытудың қысқартылған мерзімдерін көздейтін жоғары білімнің білім беру бағдарламаларына түсушілер үшін бірыңғай ұлттық тестілеудің жалпы кәсіптік және арнайы пәндері көрсетілген білім беру бағдарламалары топтарының тізбесі

Бұл ретте ҰБТ-ның әр пәні және (немесе) шығармашылық емтихан бойынша кемінде 5 балл жинау қажет.

Ақылы оқуға қабылдау

Оқытудың қысқартылған мерзімдерін көздейтін жоғары білім кадрларын даярлаудың сабақтас бағыттары бойынша «орта буын маманы» немесе «қолданбалы бакалавр» біліктілігі бар техникалық және кәсіптік немесе орта білімнен кейінгі білімі бар азаматтарды Университетке қабылдау қабылдау емтиханы негізінде жүзеге асырылады.

Маңызды білу қажет!

Шығармашылық дайындықты талап ететін Университеттің білім беру бағдарламалары топтарына қабылдау шығармашылық емтихандардың нәтижелері негізінде жүзеге асырылады. Шығармашылық емтихандарға қатысуға өтініштер қабылдау:

1. күнтізбелік жылдың 20 маусымы мен 6 шілдесі аралығында – білім беру грантын тағайындау конкурсына қатысатын тұлғалар үшін;
2. күнтізбелік жылдың 20 маусымы мен 10 тамызы аралығында – ақылы негізде оқуға түсушілер үшін жүргізіледі.

Шығармашылық емтихандар:

• күнтізбелік жылдың 7 шілдесі мен 20 шілдесі аралығында – білім беру грантын тағайындау конкурсына қатысатын тұлғалар үшін;
• күнтізбелік жылдың 7 шілдесі мен 15 тамызы аралығында – ақылы негізде оқуға түсушілер үшін өткізіледі.

Шығармашылық емтихан 20 балдық жүйе бойынша бағаланады.

«Педагогикалық ғылымдар» білім беру саласы бойынша оқуға түсушілер бір арнаулы емтихан тапсырады.

«Педагогикалық ғылымдар» білім беру салалары бойынша оқуға түсу үшін құжаттарды қабылдау және арнайы емтихан өткізу күнтізбелік жылдың 20 маусымы мен 20 тамызы аралығында жүзеге асырылады.

«Педагогикалық ғылымдар» білім беру салалары бойынша түсушілерге арналған арнайы емтихан педагогикалық жағдайды шешу түрінде өткізіледі және «өтті» немесе «өтпеді» форматында бағаланады.

Техникалық және кәсіптік, орта білімнен кейінгі немесе жоғары білім базасында қысқартылған білім беру бағдарламаларына қабылдау кезінде алдыңғы білім деңгейінің оқу нәтижелері автоматты түрде танылады.

Бұл ретте оқу жоспарларына сәйкес қайта есептелетін пәндер бойынша оқу нәтижелері (пәндер бойынша қорытынды балл) білім туралы құжат қосымшасының орташа балына сәйкес қайта есептеледі.

Білім туралы құжат қосымшасының орташа балы есептеліп, қайта есептелетін әрбір пән бойынша қорытынды баға ретінде орташа балл қойылады.

Студенттер қатарына қабылдау академиялық топтардың құрылуына қарай 20 маусым мен 25 тамыз аралығында жүргізіледі.

Егер техникалық және кәсіптік, орта білімнен кейінгі білім беру ұйымдарының түлектері даярлаудың сабақтас бағытына жатпайтын білім беру бағдарламалары тобын таңдаған жағдайда, аталған тұлғалар Бірыңғай ұлттық тестілеуді жалпы негізде тапсырады.