24 мамыр – 24 маусым аралығында Ақтау қаласында ХІІ жазғы ҚР жоғары оқу орындары студенттерінің Универсиадасы өтеді. Биыл универсиада бағдарламасы 30-дан негізгі деген 17 спорт түріне дейін ықшамдалды. XII жазғы универсиаданың жеңімпаздары алдағы тамыз айында Қытайдың Чэнду қаласында өтетін XXXII Дүниежүзілік универсиадаға және II Түркі универсиадасына жолдама алады.
Универсиадаға еліміздегі ең іргелі 55 университеттің 3 мыңнан астам студенті қатысып жатыр.
Aqtau-2023 спорт додасының алғашқы чемпиондары анықталды. Бұл қатарда А.Байтұрсынов атындағы Қостанай өңірлік университетінің студенттері де бар. Жеңіл атлетикадан Арсений Калинин – 100 метрге жүгіруден 1-орынды жеңіп алса, найза лақтырудан Руслан Тұрымбаев жеңіске жетті, 1500 метрге жүгіруден Лаура Қиныбаева 3-орынды еншіледі.
18 ЖОО қатысқан жеңіл атлетиканың көрсеткіші бойынша ҚӨУ-нің командасы алтыншы орында.
Жеңімпаз студенттерді құттықтаймыз! Алдағы ойын түрлерінен де жемісті оралуларыңызға тілектеспіз!
