17-18 қазан күндері Қызылорда қаласында қоғам қайраткері, Қызылорда облысы, Қармақшы ауданының құрметті азаматы Болатбек Сүлейменовты еске алуға арналған дзюдодан 2003-2005 жылғы жастар арасындағы XXI халықаралық турнир өтті.
Турнирге еліміздің түкпір-түкпірінен және де Өзбекстан, Қырғызстан сияқты елдерден спортшылар қатысты. Екі күнге созылған жарыс қорытындысы нәтижесінде ҚӨУ-нің «Дене шынықтыру және спорт теориясы мен тәжірибесі» кафедрасының 1 курс студенті Жансая Ерқуанышова 48 келі салмақ дәрежесінде қола жүлдегер атанды. Ол 4 жекпе-жекті еңсерді.
Жансаяны құттықтаймыз, алар асуларыңыз көп болсын!
