12-22 қаңтар аралығында Американың Лэйк-Плэсид (АҚШ) қаласында ХХХ Дүниежүзілік қысқы универсиада өтеді. Әлемдік додаға 50 елден 1 443 атлет (832 ер, 611 әйел) қатысады. Студенттер спорттың 12 түрінен 86 жүлде жиынтығын сарапқа салады.
Қазақстанның намысын спорттың 10 түрінен 78 спортшы қорғайды. Команда құрамында А.Байтұрсынов атындағы Қостанай өңірлік университетінің студенттері, шаңғы жарысы бойынша спорт шеберлері, жастар арасындағы Қазақстан Республикасының чемпиондары, еліміздің құрама командасының мүшелері Анастасия Ротова мен Лаура Қиныбаева бар.
Анастасия «Дене шынықтыру және спорт» білім беру бағдарламасының 4 курс студенттері, екеуі де Қазақстан Республикасының бірнеше дүркін чемпиондары және кубоктарының иегерлері.
Айта кету керек, Қазақстан құрамасы Алматыда өткен 2017-жылғы Универсиадада үздік нәтиже көрсеткен болатын: 11 алтын, 8 күміс және 17 қола (барлығы 36) медальды иеленген. Бұл жолы да спортшыларымыз тамаша нәтиже көрсетеді деп сенеміз. Жанкүйер болып, қолдау көрсетейік!
2023 жылғы Қысқы Универсиаданы Qazsport телеарнасы арқылы тамашалай аласыздар.
