Дәстүрлі «Студенттік көктем – 2023» шығармашылық фестивалі дарынды студенттерді анықтауға, сондай-ақ жас ұрпақтың назарын шығармашылыққа аударуға бағытталған. Іс-шараны Қостанай облысының жастар ресурстық орталығының мемлекеттік тапсырысы бойынша «Жас Отан» корпоративтік қоры өткізді.
Фестивальдің бірінші күні фотокросс, шағын футболдан, волейбол мен баскетболдан турнирлер, интеллектуалдық ойын, сондай-ақ Жайдарман/КВН ойындары өтті.
Екінші күні спорт түрлерінен финалдық ойындар мен шығармашылық гала-концертті тамашаладық және жеңімпаздарды марапаттау рәсімі өтті.
Студенттеріміз жақсы дайындықтарын көрсетіп, жарыстардың барлық түрлерінде жүлделі орындарға ие болды:
1 орын – интеллектуалдық ойын
1 орын – Жайдарман/КВН
1 орын – шағын футболдан
1 орын – волейболдан
2 орын - "Фотокросс"
2 орын – баскетбол
Шығармашылық гала-концертте де ҚӨУ-нің командасы үздік нәтиже көрсетіп, 3-орынға ие болды!
Сонымен қатар жастар қозғалысын дамыту мақсатында әрбір университетке 500 000 теңге ақшалай сертификаттар табысталды.
Университет өз студенттерімен мақтанады және ұйымдастырушыларға осы іс-шараны ұйымдастырғаны және қолдау көрсеткені үшін алғысын білдіреді!
