А.Айтмұхамбетов атындағы инженерлік-техникалық институтының «Электр энергетикасы» ББ-ның 4-курс студенті Нұрсұлтан Бектасов Нұр-Сұлтан қаласында өткен Нағыз шынайы айқас бойынша Қазақстан Республикасының Бірінші Чемпионатында алтын жүлдеге ие болды.
Жарысқа еліміздің 9 аймағынан 350 спортшы қатысты. Нұрсұлтан 80 келі салмақта үздік атанды.
Нағыз шынайы айқас – жекпе-жек өнерінің жаңа түрі. Әскери қоян-қолтық ұрысқа ұқсастығы бар.
Қостанай облысында Нағыз шынайы айқас федерациясы 2020 жылдың желтоқсан айында тіркелді.
Нұрсұлтан Бектасов 7 жасынан спортпен шұғылданады. Мектепте оқып жүргенде еркін күреске барған. Кейін грэпплингпен айналысқан. 2020 жылы осы спорт түрінен Нұрсұлтан облыс біріншілігінде 2-орынға ие болды. Сонымен қатар ол Нағыз шынайы айқас спорт түрі бойынша спорт шеберіне үміткер.
Нұрсұлтанды жеңісімен құттықтаймыз! Алға қойған мақсаттарыңа жете бер, жеңісті күндерің көп болсын!
