Дене шынықтыру және спорт мамандығының 1 курс студенті Константин Шинкарук Қонав қаласында (бұрынғы Қапшағай қаласы) 1-6 қазан аралығында өткен велоспорттан тау велоспорты (маунтинбайк) бойынша көпкүндік жарысқа, Қазақстан Республикасының Чемпионатына қатысты.
Ол 2003-2004 жылы туған жасөспірімдер санатында бақ сынады. Әр өңірден 10-нан астам команда жиналды.
Көпкүндік веложарыс бес кезеңді қамтыды. Бірінші және екінші кезеңде Константин Шинкарук бірінші орын алса, қалған 3 кезеңде екінші болды. Жарыс нәтижесіне сәйкес Константин 19-24 қазан аралығында Оңтүстік Кореяның Сунчхон қаласында өтетін Азия чемпионатына қатысып, Қазақстанның намысын қорғайды.
