Біз мерейтойлық фотоальбомымызды қарап жатырмыз. Есімізге салайық, биылғы күзде Ахмет Байтұрсынұлы атындағы ҚӨУ 85 жылдық мерейтойын атап өтеді.
Бүгін фотосуреттерімен математика және физика кафедрасының меңгерушісі, машина жасау, энергетика және ақпараттық технологиялар факультетінің оқытушысы Анар УТЕМИСОВА бөліседі:
«Менің студенттік жылдарым қиын кезеңге – 90-шы жылдарға тап болды. Ақша жоқ еді (тек карточкалар болды), оқу ғимараттарында суық болды. Бірақ менің естеліктерім өте жылы…
Біздің тобымыз керемет еді – көңілді, тату жастар. Біз өзіміз ғимараттың тазалығына көңіл бөлетінбіз – алып витражды терезелерді жуатынбыз, сенбіліктерге шығатынбыз.
Әрине, оқу бүгінгіден қиын болды. Бізде интернет, оқу құралдары мен кітаптар еркін қолжетімді емес еді. Студенттер оқу залдарынан шықпайтын, кітаптардың тарауларын қайта жазды. Көшірмелерді жасау өте қымбат болды.
Әрине, біз қиын мамандық таңдадық – математика. Бақытымызға орай, бізде керемет оқытушылар болды - Наталья Борисовна Савушкина, Майя Михайловна Коренцова, Леонид Игнатьевич Елфимов, Татьяна Андреевна Разина. Деканымыз Федор Федорович Майер еді. Бір қызығы, ол дәрісті ешқандай қағазсыз, ешқайда қарамай оқитын.
Мен әлі күнге дейін көптеген топтастарыммен араласамын. Көпшілігі кетіп қалды, бірақ өз ауылына оралғандар да бар. Қазір олар сол жерде мұғалім, мектеп директорлары болып жұмыс істейді».
Егер сіздің фотоальбомыңызда біздің университетіміздің тарихынан ерекше фотосуреттер болса, осы баға жетпес естеліктеріңізбен бөлісіңіз! WhatsApp 8-705-450-30-55.
