ЕКІ бірдей чемпион

Мұндай бұрын-соңды болмаған. ҚӨУ-дің КВН Лигасының финалы күтпеген жағдаймен аяқталды.

Еске сала кетейік, финалда төрт команда бақ сынасты:

• 3х3 (Жатақхана құрамасы),
• Әйелдер құрамасы (педагогикалық институт, әлеуметтік-гуманитарлық ғылымдар факультеті),
• Әзербайжан құрамасы (Қазақстан халықтарының шағын студенттік Ассамблеясы),
• Қостанай (экономика және құқық факультеті).

Финалда ең өзекті тақырыптар қозғалды: талапкерлер, ашық есік күндері, студенттік асханалар, оқу корпустары, тіпті ректор жайлы да әзілдер айтылды.

Ойын қорытындысы бойынша қазылар алқасы үздіктерді анықтады:

• 2025-2026 ж. маусымының клуб төрағасы – педагогикалық институттың студенті Артём Карпович,
• Финалдың үздік актері – Васиф Мирзоев (Әзербайжан құрамасы),
• Үздік актриса – Анастасия Васькина (Әйелдер құрамасы),
• Үздік дыбыс операторы – Дарига Агдавлетова («Қостанай» командасы).

Ал жүлделі орындарды бөлу қазылар алқасы үшін оңайға соқпады.

Қола жүлде – «Қостанай» командасы.

Күміс жүлде – Әйелдер құрамасы.

Ал алтын медальді алғаш рет екі команда бөлісті — 3х3 және Әзербайжан құрамасы.

Мұндай бұрын-соңды болмаған, – деді қазылар алқасы. Бірақ неге болмасқа, себебі екі команда да бірдей күлкілі әрі талантты болды.

ҚӨУ-дің барлық КВН ойыншыларын финалмен құттықтаймыз! Әзілдей беріңіздер! Бізге ұнайды!