Дипломдарды табыстайтын уақыт басталды! Бүгін Baitursynuly University-де ҚӨУ Педагогикалық институтының түлектеріне диплом тапсыру салтанатты рәсімі өтті.
Институттың биылғы түлектерінің саны – 720, оның 680-і бакалавриат студенті, 40-ы магистрант.
Бүгін алдымен жоғары және техникалық кәсіптік оқыту базасында (241 адам) қысқартылған оқу түрінде білім алған студенттер дипломдарын алды.
Baitursynuly University әлеуметтік-тәрбие мәселелері жөніндегі проректоры Нұрлыхан Темірбеков түлектер мен олардың жақындарын атаулы күнімен құттықтап, ҚӨУ-дің жеке үлгісіндегі дипломдарын табыс етті.
"Біздің магистратураға оқуға түсіңіздер, педагогтермен байланыста болыңыздар, университетке келіп тұрыңыздар, сіздерге әрдайым есігіміз ашық. Сәттілік! – деп Нұрлыхан Мұқанұлы тілектестігін білдірді."
Ө.Сұлтанғазин атындағы Педагогикалық институттың директоры Кенжегүл Қабылғазықызы Есіркепова түлектерге әрдайым ұшқан ұяларын еске алып, alma mater-ге қайтып келуге шақырды.
Біз түлектерімізді құттықтап, барлық бастамаларына сәттілік тілейміз!
