ҚӨУ-гі республикалық дебат турнирі

Қостанай Өңірлік университетінде «Парасат» дебат клубының ұйымдастыруымен А.Байтұрсынұлының 150-жылдық мерейтойына арналған «Дәуірдің жарық жұлдызы» атты республикалық турнир өтті.

Турнирде еліміздің 9 қаласынан, Астана, Павлодар, Алматы, Ақтөбе, Орал, Семей, Қарағанды, Көкшетау, Арқалық қалаларының командалары бақ сынады. 11 жоғары оқу орнынан 12 дебат клубы, 32 фракция, 64 спикер қатысты. Сенбі күні оқу орны ректоры Сейтбек Қуанышбаев турнирдің салтанатты ашылуына қатысып, пікірсайысшыларға сәттілік тіледі.

Сайыс тартысты өтті. Пікірсайысшылар ұлт ұстазының қоғамдағы рөлі, шығармашылығы, ағартушылық қызметі жайында тұшымды ойлар айтты.

Турнир нәтижесі төмендегідей:

• 1-орынды Астана қаласы, Л.Н.Гумилев атындағы Еуразия ұлттық университетінің студенттері Шуақ Таңатқызы мен Бақбол Адуын жеңіп алды.
• 2-орын да Астана қаласының пікірсайысшылары Фархат Қаналы мен Алжан Шариповқа тиесілі.
• 3-орын Орал қаласы, М.Өтемісов атындағы Батыс Қазақстан университетінің студенттері Арман Нұрланға және Айымбек Сарымсақовқа бұйырды.

Жастар финалы бойынша жеңімпаздар:

• 1-орында «Икигай» фракциясы (Қарағанды қаласы). Жүлде көлемі – 100 000 теңге.
• 2-орын және 70 000 теңге жүлде «Наследники» фракциясына (Қарағанды қаласы) берілді.
• 3-орынға, сондай-ақ 50 000 теңге жүлдеге «Медунивер» фракциясы (Семей қаласы) лайықты деп табылды.
• Үздік спикер – Айымбек Сарымсақов (Орал қ.);
• Үздік төреші – Аягөз Мақатова (Қостанай қ.). Үздік төреші мен үздік спикерге 10 000 теңге ақшалай сыйлық берілді.
• Бас төреші – Қаракөз Мақатова (Қостанай);
• Үздік гид – Ерсұлтан Құрбан (Қостанай);
• Бас гид – Назгүл Керімбай (Қостанай);
• Бас ұйымдастырушы – Ділназ Бектөре.

Турнир жеңімпаздары мен қатысушылары сертификаттармен, жеңімпаздар дипломдармен және бағалы сыйлықтармен марапатталды.