Baitursynuly University-де Тәуелсіздік күніне арналған іс-шаралар басталды! Мерекелік марафонды Ө.Сұлтанғазин атындағы Педагогикалық институты ашты.
«Тәуелсіздік күні: өткенге Даңқ, болашаққа қадам» атты іс-шараға «Педагогика және психология», «Арнайы педагогика», «Тарих», «Биология-Химия» және «Қазақ тілі мен әдебиеті» білім беру бағдарламаларының студенттері қатысты. Ұйымдастырушы - педагогика, психология және арнайы білім беру кафедрасының аға оқытушысы Зауре Ахметбекова.
Бағдарлама өте мазмұнды болды: қатысушылар Қазақстанның тәуелсіздік алу тарихы туралы презентациялар мен бейнероликтерді тамашалап, өз пікірлерімен бөлісті, әрі викториналық сұрақтарға жауап берді. Сондай-ақ, шығармашылық тапсырмаларды орындап, мәнерлеп өлең оқып берді.
Іс-шара соңында студенттер еліміздің тәуелсіздігі - халқымыздың құнды мұрасы мен қазынасы және біздің табысымыз бен өркендеуіміздің кепілі екенін атап өтті.
