Әскери-патриоттық тәрбие аясында әскери кафедрада студенттердің «Жәнібек-Тархан» әскери – патриоттық клубына кіруіне арналған салтанатты іс-шара өтті.
«Жәнібек-Тархан» әскери-патриоттық клубы 2018 жылы әскери кафедра базасында құрылды. Бұл клубтың мүшелері әскери кафедраға түскен студенттер болады. Клубтың–студенттер қала мен облыстың барлық әскери-патриоттық іс-шараларына қатысатын өзінің жарғысы, логотипі бар.
Клубтың негізгі міндеті-жастарды патриоттық тәрбиелеу, Қарулы Күштерде қызмет етуге дайындау және салауатты өмір салтын насихаттау.
Клуб мүшелерін қарсы ала отырып, әскери кафедра бастығы полковник Олег Оборин студенттерге әскери-патриоттық тәрбие берудің маңыздылығын атап өтті.
Іс-шара салтанатты жағдайда өтті. Әскери-патриоттық клубтың төрағасы запастағы полковник Серікпай Изимов әскери-патриоттық клубқа кірген студенттерден ант қабылдап, оларға шеврондар табыстады.
