Бүгін А.Байтұрсынов атындағы Қостанай өңірлік университетінде 8 наурыз, Халықаралық әйелдер күніне арналған мерекелік концерт өтті.
Университет ректорының жылы лебіздерінен кейін оқу ордамыздың арулары жоғары кәсіби шеберлігі мен адал еңбегі үшін ректордың алғыс хаттарымен марапатталды.
Іс-шараның салтанатты бөлігі концерттік бағдарламаға ауысты: сахнада құлақтан кіріп, бойды алар әсем ән мен әсерлі билер және әйелдер қауымына арналған құттықтаулар мен қошемет сөздер толастаған жоқ.
Қызметкерлер мен студенттерден құралған шығармашылық ұжым көрермендерді әдемі мерекелік шарамен қуанышқа бөледі және залдағы барлық қатысушыларға мерекелік көңіл-күй, қуаныш пен жағымды эмоциялар сыйлады.
