Сіз білесіз бе, адам орташа алғанда жұмысында өмірінің он жылдан астам уақытын өткізеді? Сондықтан ұжымда сау психологиялық атмосфераны қалыптастыру өте маңызды.
Бүгін Baitursynuly университетінде Дүниежүзілік психикалық денсаулық күніне орай өткізілген шарада осы және басқа да мәселелер талқыланды.
- Психология кафедрасы бұл күнді 15 жылдан бері атап келеді, - деді кафедраның аға оқытушысы Олеся ЕЛЬЧИЩЕВА. - Жыл сайын белгілі бір мәселеге назар аударылады. Биылғы жылдың тақырыбы жұмыс орнындағы психикалық денсаулық болды.
Пайдалы кейстерді тек студенттер мен оқытушылар ғана емес, сонымен қатар шақырылған қонақтар - тәжірибелі психологтар, психикалық денсаулықты сақтау және нығайту саласындағы мамандар да бөлісті.
