Ұлы Отан соғысындағы Жеңістің 80 жылдығы мен Отан қорғаушылар күніне орай Қостанай облысының жастарын біріктірген ерекше іс-шара ұйымдастырылды.
Ұйымдастырушы – ҚӨУ мен өңірлік дене шынықтыру және қосымша білім беру орталығы және Қостанай облысы білім басқармасы.
Облыс қалалары мен аудандарынан келген 10 команда екі күн бойы жарысты.
Іс-шара форматы жаяу жорықты қамтып, қатысушылар түрлі кедергілер мен дала жағдайындағы өмір сүру элементтерін еңсерді.
Қатысушылар физикалық дайындықтарын, әскери-тактикалық машықтарын және топпен жұмыс істеу дағдыларын көрсетті.
Кедергілер жолағына ҚӨУ әскери кафедрасының қолдауымен дене шынықтыру және спорт теориясы мен практикасы кафедрасы оқытушылары жауапты болды
Сондай-ақ, көмекке «Алғашқы әскери дайындық және дене шынықтыру», «Туризм» білім беру бағдарламаларының 2-3 курс студенттері тартылды.
Айта кететін жайт, іс-шара жоғары деңгейде жоспарланып, жүзеге асырылды.
Бұл жоба жастарды патриоттық рухқа тәрбиелеуге, азаматтық жауапкершілік пен ұрпақ ерлігіне құрмет сезімін қалыптастыруға қосылған маңызды үлес болды.
