А.Байтұрсынов атындағы Қостанай өңірлік университетінің белсенді студенттеріне «ТОП-10» сыйлығы табысталды. Аталмыш шараны студенттер жыл бойы күтеді, дайындалады. Жастар ісі жөніндегі комитет оқу жылының соңында университеттің қоғамдық өміріне белсенді қатысқан озат студенттерді анықтап, оларды ынталандыру мақсатында сый-сияпат табыстап, құрмет көрсетті.
2022-2023 оқу жылының үздік студенттерімен таныс болыңыздар:
Марапаттау рәсімінде бас жүлдеден басқа бірнеше номинациялар бойынша жеңімпаздар анықталды.
«Жыл белсенділері» номинациясының жеңімпаздары:
«Жыл көшбасшысы» арнайы номинациясы В.Двуреченский атындағы ауылшаруашылық институтының студенті Құралай Баяндиноваға берілді.
Бірінші курстың белсенді студенттері үшін «Жыл жаңалығы» номинациясы табысталды:
Сондай-ақ, университет енді институттар мен студенттік клубтар қызметінің белсенділік рейтингін саралайтын болды. Аталмыш рейтингтің қорытындысы бойынша «Үздік клуб» атағын «Спарта» интеллектуалдық клубы мен «Парасат» пікірсайыс клубы иеленді. Ал Экономика және құқық институты «Үздік институт» деп танылды.Іс-шара барысында оқу орнының басқа да белсенді студенттері назардан тыс қалмады, барлығы Алғыс хаттармен марапатталды.
2022-2023 оқу жылы қызықты өтті, түрлі шаралар мен сайыстарға бай болды. Солардың бірі жақында өткен «Студенттік көктем-2023» фестивалі. Бұл байқауда студенттеріміз жақсы нәтиже көрсетіп, оқу орны жалпы есептік көрсеткіш бойынша 1-орынды иеленді. Мұның барлығы дарынды да белсенді, талапты студенттердің арқасы екенін атап өткен жөн.
Құрметті студенттер, жүлделеріңіз құтты болсын, асар асуларыңыз көп болсын, келесі оқу жылы да ерекше, қызықты сәттерге толы болғай!
