Дәстүрлі «Тәуелсіздік аллеясы» фотоконкурсының қорытындысы шығарылды

Қазақстан Республикасының Тәуелсіздік күні аясында жыл сайын өткізілетін «Тәуелсіздік аллеясы» фотоконкурсының қорытындысы шығарылды.

• 1 орын мен 10 000 теңге ақшалай сыйлықты «Шетел тілі» мамандығының 2 курс студенті Нұрсұлтан Дауылбай @nurs10.01  алды.
• Ал 2 орын және 6 000 теңге «Құқықтану» мамандығының 3 курс студенті Никита Кучинға @flomaster.48 бұйырды.
• 3 орын, сонымен қатар 4 000 теңгені «Журналистика» мамандығының 2 курс студенті Лариса Божко @holly_ghosst жеңіп алды.  

Естеріңізге сала кетейік, байқауға университет студенттерінің Тәуелсіздікке деген көзқарасын бейнелейтін туындылары жіберілді. Формат тек белгіленген шаблондармен шектеліп қалмады, әр қатысушы егемен Қазақстан тарихына, рухани және мәдени құндылықтарға қатысты оқиғалар, фактілер мен сәттерді бейнелейтін 2 фотосурет ұсына алды.

Байқау 2 кезеңде өтті. 15 желтоқсан күні қазылар алқасы фотосуреттерді қарап, 5 үздік фотосуретті таңдады. 20 желтоқсанда А.Айтмұхамбетов атындағы Инженерлік-техникалық институтының инстаграм парағында сол 5 жұмыстың ішінен лүпіл саны бойынша байқау жеңімпаздары анықталды.

Байқау жеңімпаздары мен қатысушыларын құттықтаймыз! Дауыс беріп, пікір жазып, белсенділік танытқандарыңыз үшін де алғыс айтамыз!