Оқушыларға арналған МЕДИАсаяхат

Республикалық студенттік деректі кинофестиваль «KozQaras 2025» ерекше квестпен аяқталды.

Тәжірибелі журналистер, қазақстандық режиссерлер, Қазақстан университеттерінің оқытушыларының шеберлік сабақтары мен студенттердің жұмыстарын көрсету сәттерінен кейін фестивальдің төртінші күні қызықты өтті. 

Журналистика және коммуникациялық менеджмент кафедрасы «Оқушыларға арналған МЕДИАсаяхат» кәсіби бағдар беру іс-шарасын ұйымдастырды. Акт залында таңертеңнен бастап адам көп болды. Бұл жерде фестивальдің қатысушылары мен қонақтары - Қостанай, Рудный және облыс аудандарының оқушылары жиналды. 5-11 сынып оқушылары Ахмет Байтұрсынұлы атындағы ҚӨУ-ге медиаквестке қатысу үшін келді.

Бұл станциялар арқылы нағыз қызықты саяхат болды.

Алғашқы станция «Барлығы текстен басталады» деп аталды. Мұнда студенттер мен қонақтарды кафедра магистранты және «Наш Костанай» газетінің тілшісі Яна Гарькуша қарсы алды. Ол журналистік мәтіндер жазудың және сөзбен жұмыс істеудің негіздерімен таныстырды.

Келесі станция - «Репортер». Оқушылар камералары мен диктофондарымен қаруланып, нағыз репортерлерше «Смутное» ауылына аттанды. Бұл ауылдың тұрғындары белгісіз жағдайда жадынан айырылып қалған деседі.

Тергеу қатарынан кейін саяхаттың соңғы нүктесі «Подкаст» станциясы болды. Онда жас «журналистер» қызықты оқиғалармен бөлісіп, екінші курс студенттері - Регина Хабибулина мен Злата Иванова жүргізген «Синдром отличника» подкастында өмір туралы ой бөлісті.

Әр станцияда оқушылар тапсырмаларды орындап, белсенділіктері үшін жетондар алды.

Көбірек жетон жинаған қатысушы бас жүлде -«Журналистік болашаққа бақытты билет» сыйлығын жеңіп алды. Бұл билет ҚӨУ-ге «Журналистика» білім беру бағдарламасына оқуға түсу кезінде толықтай қолдау мен көмек көрсетуге кепілдік береді. 

Медиасаяхат деректі фильмдер көрсетілімімен аяқталды. «Журналистика» категориясында жеті жұмыс ұсынылды:

1. «Семья, основа Родины!» - Каирбек Орынбеков, Айбек Қасымбек, Аяулым Шалқарқызы, Малика Уали
2. «Алматы: перекресток истории» - Жулдыз Жумаканова, Анастасия Ким
3. «За дверью» - Карина Колисова, Алина Грозных, Алексей Таа
4. «Жеңіс рухы» - Мадина Мейрім, Айжан Асқарбек, Айгерім Муратбек, Бахыт Исимбаева
5. «Чистый город» - Кристина Фритц
6. «Болат Ысқақов» - Мадина Акешова, Гульдирайхан Ермуханова, Гульжихан Ермуханова, Гүлмира Габжалел
7. «Мұз Шахмат» - Балауса Жүніс

Кинотуындылар әр түрлі тақырыптарды қамтиды: қазіргі әлеуметтік мәселелер, спорт, отбасылық құндылықтар, экология.

Еске сала кетейік, деректі кинофестиваль төртінші жыл қатарынан өткізіліп келеді, ол студенттерді, журналистер мен режиссерлерді біріктіреді. Мақсаты - идеялар мен тәжірибемен бөлісу.