Baitursynuly University-нің 85-жылдық мерейтойы аясында «Ұрпақтар кездесуі» іс-шарасы ұйымдастырылды.
Ауыл шаруашылығы ғылымдары факультетінің студенттерімен кездесуге аты аңызға айналған университет түлегі, Қазақстанның Еңбек Ері Сайран БҰҚАНОВ шақырылды.
Бұл кездесу екі буын студенттерінің ерекше сырласуына айналды. Сайран Балкенұлы өзінің балалық шағы, мамандыққа алғашқы қадамдары, өз ісін сүюдің және күнделікті өзіңмен жұмыс істеудің маңыздылығы туралы әңгімеледі.
«Таңдаған мамандықтарыңызмен мақтаныңыздар! Өмірде бәрі кішкентай нәрседен басталады.
Жұмысты жаңадан бастағанда жеңілдіктер алуды ғана емес, жаңа нәрсе үйрену жайында ойлаңыз.
Сонда уақыт өте келе лайықты жалақыға қол жеткізіп, еңбекте де табысты боласыз. Бәрі тек өз қолыңызда. Ерен еңбек елеусіз қалмайды».
Студенттермен құнды кездесу өткізгені үшін Сайран Балкенұлына алғыс білдіреміз!
Фото «Біздің Қостанай»
