Baitursynuly University студенттері мен ҚӨУ-дің жастар саясаты басқармасының өкілдері Қостанайдың өндірістік нысандарына экскурсияға барды.
Жұмысшы мамандықтар жылы аясында бұл экскурсияны Қостанай облысы қоғамдық даму басқармасы ұйымдастырды.
Қатысушылар «СарыарқаАвтоПром» ЖШС-нің автомобиль құрастырушыларының жұмысымен танысты. «KamLitKZ» шойын құю зауытының жұмысы оң әсер қалдырды. «KIA Qazaqstan» ЖШС алаңында студенттерге KIA автокөліктерін шығаратын зауыт құрылысының барысы таныстырылды. Сонымен қатар, «АгромашХолдинг KZ» АҚ жұмысының ұйымдастырылуы студенттердің көңілінен шықты.
Экскурсия қатысушылары бұл шараның танымдық әрі әсерлі болғанын атап өтті. Кейбіреулері бұл нысандарды өздерінің болашақ жұмыс орындары ретінде түртіп алды. Бір сөзбен айтқанда, болашаққа бағдар берген тамаша экскурсия болды.
