Халықаралық студенттер күніне орай педагогикалық институттың акт залының сахнасында «Екі жұлдыз» атты көңілді шоу өтті. Бұл дәстүрлі және көптен күткен вокалдық байқау, онда бастысы жанды дыбыс пен орындаушылардың жанды дауысы.
7 жұлдызды жұп өз әндерін орындау үшін сахнаға шығып, оқытушылар мен студенттер тек дәрістер мен семинарларға қатысып қана қоймай, сонымен қатар сахнаға шығып көрермендердің қошеметіне бөлене алатындарын дәлелдеді.
Шоуға қатысушылар бір вокалдық нөмірді ұсынды. Ал қазылар алқасы мен көрермендер - бұл жай әндер емес, әрбір композицияға шығармашылық тұрғыдан қараған, нөмірлер жоғары деңгейде өтті, деп бөлісті.
Көрермендердің пікірінше, жастар саясаты басқармасының маманы Айдана Сидахметова мен МузО кафедрасының 2 курс студенті Айнұр Асембекованың дуэті үздік болды. Байқау жеңімпаздары атанып, көрермендер көзайымы сыйлығына ие болды. Олардың орындауындағы Hush Hush композициясы түпнұсқадан кем түспеді.
2-ші орында АШҒФ деканының тәрбие жұмысы жөніндегі орынбасары Төлеген Көбжасаров және «Стандарттау» мамандығының 4 курс студенті Тимур Ғалиев, көрермендерді Виктор Цойдың «КИНО» тобының музыка әлеміне батырды.
Шет тілі кафедрасы меңгерушісінің міндетін атқарушы Пи Елена Ивановна мен «Биология-Химия» мамандығының 4 курс студенті Жанерке Райымбаева тұғырдың үшінші сатысына лайықты көтерілді.
Қалған қатысушылар номинациялар бойынша марапатталды.
«Дарынды жұп» номинациясында машина жасау, энергетика және ақпараттық технологиялар факультеті деканының тәрбие жұмысы жөніндегі орынбасары Қуаныш Есімханов & «Ақпараттық жүйелер» ББ 4 курс студенті Мәди Сәдуақасовқа тең келер жұп болмады.
«Жарқын жұп» номинациясындағы жеңісті экономика кафедрасының аға оқытушысы Гүлжанат Қайырбаева & «Қаржы» ББ 2 курс студенті Богдан Сарбасовқа оң бағалады.
Филология және практикалық лингвистика кафедрасының аға оқытушысы Ғалия Сүлейменова және «Актерлік шеберлік» ББ 1 курс студенті Кирилл Гордеев «үйлесімді жұп» номинациясы бойынша үздік атанды.
Ал «Көркем жұп» номинациясында психология кафедрасының аға оқытушысы Нұргүл Әубәкірова және «Шетел филологиясы» 4 курс студенті Мадина Зиядинова марапатталды.
Барлық қатысушыларды құттықтаймыз және шығармашылық жеңістер тілейміз!
