9-10 сәуір күндері Парасат дебат клубының ұйымдастыруымен «Балалар жылы: Келешектің тұтқасы білімді ұрпақта» атты «PARASAT CUP-2022» республикалық дебат турнирі өтті.
Турнирге Ақтөбе, Орал, Павлодар, Нұр-Сұлтан, Қарағанды, Алматы, Қостанай, Арқалық қалаларынан 64 спикер, яғни 32 команда қатысты, барлығы 11 ЖОО-ның студенттері өзара бақ сынасты. Олар мектепті дамыту, олимпиада ойындары, әлеуметтік желілердің жас ұрпаққа әсері, жасанды интеллект сияқты жастар үшін маңызды мәселелерге тоқталды.
Турнир қорытындысы бойынша 1-орынды Қарағанды қаласының «Жүрегімді жаралама» фракциясы (Арман Тұңғышбек, Айсұлу Бисолтан) жеңіп алды.
2-орынға Павлодар қаласының «1/2/2022» фракциясы (Айсана Сахимзадинова, Нұрхан Ералы).лайық деп танылды.
3-орын Ақтөбе және Орал қалаларының спикерлерінен құралған «Ағабек үшін» фракциясына (Айымбек Сарымсақов, Ақнұр Қуаныш) берілді.
Үздік спикер – Ислам Габдулхали (Алматы);
Үздік төреші – Нұрымжан Қайрғали (Қостанай);
Бас төреші – Оғабек Шамитдинов (Қостанай);
Үздік гид – Назгүл Керімбай (Қостанай);
Бас гид – Ерасыл Рашитұлы (Қостанай).
Жастар финалына Ақтөбе қаласының «Теория хаоса» (Ердаулет Айтмағамбет, Айдар Абенов) фракциясы өтті.
Барлық жеңімпаздарды шын жүректен құттықтаймыз, жемісті күндеріңіз көп болсын!
