Baitursynuly University биология мамандығының студенттері көктемнің келуін «Құстар күні» мерекесімен атап өтті.
Бұл күн әлем бойынша 1 сәуірде тойланатын мереке. Жыл сайын жаратылыстану пәндері кафедрасының оқытушылары мен студенттері осы күнге ерекше дайындалады.
Бұл жолы мерекені бёрдвотчерлер клубының кураторы, Экология және биология мәселелері ғылыми-зерттеу орталығының (ЭБМ ҒЗО) директоры, профессор Татьяна Брагина ашты. Кафедра меңгерушісі Гаухар Баубекованың құттықтау сөзі өзектілігімен әрі әсерлілігімен есте қалды.
Клуб жетекшісі құстар күні мерекесінің тарихы мен оны тойлау дәстүрі туралы айтып берді. Сондай-ақ ҚР «Жыл құсы-2025» деп таңдалған құмай (стервятник) туралы және бұл сирек құсты сақтау шаралары туралы мәлімет берді.
Ресми бөлімнен кейін студенттер мен қонақтар «Құстар білгірі» викторинасына қатысты. Қатысушылар құстарды олардың дауысы, сипаттамасы немесе мекендеу орны арқылы тануға тырысты. Бұл күні құстар мен көктемде оларды қарсы алу дәстүрлері туралы өлеңдер де оқылды.
Мереке бёрдвотчерлер клубының белсенді мүшелері, оның төрағасы Данил Христинецкийдің жетекшілігімен ұйымдастырылды.
«Құстар күні» акциясын «Науырзым ҚЭҰ» қоғамдық бірлестігі, Қазақстан биоалуантүрлілікті сақтау ассоциациясы (АСБК), сондай-ақ орнитологиялық зерттеулер бойынша диссертация жазып жүрген 1 курс магистранттары Виталий Табункин мен Ольга Воробьева қолдады.
