Baitursynuly University қызметкері «XXI ғасырдағы Алаштың Ақ жолы» республикалық байқауында алғыс хатпен марапатталды.
Биыл «XXI ғасырдағы Алаштың Ақ жолы» байқауы елімізде 12 рет ұйымдастырылды. «Ақ жол» партиясының төрағасы Азат Перуашев, ҚР Парламентіндегі «Ақ жол» фракциясы аппаратының жетекшісі Берик Дуйсембинов, партияның Орталық аппаратының басшысы Асылхан Козахметов, Қорқыт ата атындағы Қызылорда университетінің басқарма мүшесі, ғылыми жұмыс және халықаралық байланыстар жөніндегі проректор Майнура Бурибаева құттықтау сөзін сөйледі.
Байқауға Қостанай өңірлік университетінің оқытушылары, магистранттары мен студенттері қатысты. Комиссия мүшелері еліміздің барлық өңірлерінен келіп түскен 250-ден астам жұмысты қарастырды. 4 номинация бойынша үздік деп танылған 41 жұмыстың ішінде әлеуметтік-гуманитарлық ғылымдар факультеті деканының тәрбие жұмысы жөніндегі орынбасары Руслан Жүсіпов алғыс хатпен марапатталды.
