Бүгін ҚӨУ-де «Қазіргі журналистика мен PR-дың өзекті мәселелері: тәжірибе, мұра және өңірлік медианың жаңа көкжиектері» атты VIII Халықаралық ғылыми-тәжірибелік конференция өтті.
Шара университеттің профессоры, социология ғылымдарының докторы Сергей Харченконың 80 жылдық мерейтойына орай ұйымдастырылды.
Ол өңірлік БАҚ-тың дамуына үлес қосып, көп жыл бойы «Қостанай жаңалықтары» газетінің бас редакторы болды.
Ұжым атынан ректор Сейтбек Қуанышбаев мерейтой иесін құттықтады.
Журналистика және коммуникациялық менеджмент кафедрасының әріптестері былай деді:
– Сіздің өмір жолыңыз – үлгі әрі шабыт көзі. Сіз тек студенттерді ғана емес, бізді де ынталандырасыз.
Конференция кезінде өңірдің БАҚ саласындағы басшылары студенттермен кәсіби тәжірибелерімен бөлісті.
– Бүгінгі ұрпақ әлемдегі өзгерістерден хабардар, бірақ маңыздысы – сол білімді өмірде қолдана білу. Ішкі жігер мен ынта болмаса, табысқа жету қиын, әсіресе мейірім мен шынайылықты қажет ететін журналистикада, – деп мерейтой иесі барша қатысушыға алғысын айтты.
ҚӨУ атынан Сергей Васильевичті мерейтойымен құттықтаймыз!
