Манаш Қозыбаев атындағы Солтүстік Қазақстан университетінде «География пәні мұғалімдерін даярлау» бағыты бойынша студенттердің ғылыми-зерттеу жұмыстарының республикалық байқауы өтті. Байқауда Қазақстанның 7 жоғары оқу орнынан келіп түскен 12 студенттік жоба қаралды. Жұмыстардың тақырыптары келесі бағыттар бойынша ұсынылды: физикалық, экономикалық, әлеуметтік география, географияны оқыту әдістемесі, картография.
Байқауға Жаратылыстану ғылымдары кафедрасының «География» мамандығының 3 курс студенті Сабина Джулдыбаева «Соңғы 50 жылдағы Қостанай қаласының климатын талдау» тақырыбындағы жұмысын жолдады. Зерттеу жұмысы барысында студент Қостанай облысы бойынша Қазгидромет ұсынған 1970-2020 жылдар аралығындағы статистикалық мәліметтерді пайдаланды
Конкурстық комиссия отырысының қорытындысы бойынша Сабина жүлделі үшінші орынға лайық деп танылды.
Сабина Джулдыбаева мен жетекшісі Гаухар Баубекованы жеңістерімен құттықтаймыз!
