Ахмет Байтұрсынұлы атындағы Қостанай өңірлік университетінің қабырғасында «2024-2026 жылдарға арналған «Жас ғалым» жобасы бойынша жас ғалымдардың зерттеулерін гранттық қаржыландырудың конкурстық құжаттамасын талдау» тақырыбында семинар өтті. Оған университеттің магистранттары, докторанттары, сондай-ақ жас ғалымдары қатысты.
ҚБҒЗИ-ның ғылыми қызметкері, техника ғылымдарының магистрі, азық-түлік қауіпсіздігі және биотехнология кафедрасының оқытушысы, 2022 жылы «Жас ғалым» жобасының жеңімпазы Павел Шевченко және жас ғалымдар кеңесінің төрағасы Ақбидаш Абдиркенова семинардың модераторлары болды.
Семинар барысында жобаның басым бағыттары, сондай-ақ ғылыми қызмет талқыланды. Конкурстық құжаттаманың әрбір тармағына назар аударылып, құжаттарды жинау, өңдеу және тапсыру үрдісі қарастырылды.
Университеттің жас ғалымдар кеңесі семинар өткізгені және жас ғалымдарға арналған конкурстық құжаттаманы кезең-кезеңімен түсіндіргені үшін Павел Викторовичке алғысын білдірді.
