Ө.Сұлтанғазин атындағы Педагогикалық институтында «ҚР Ғылым және жоғары білім саласындағы сапаны қамтамасыз ету комитеті ұсынған ғылыми басылымдарға қойылатын талаптар” тақырыбында әдістемелік семинар өтті.
Семинарды ұйымдастырушылар мен спикерлері педагогика, психология және арнайы білім беру кафедрасының оқытушылары: педагогика ғылымдарының кандидаты Кенжегүл Шалғымбекова және педагогика ғылымдарының магистрі Динара Тойымбетова болды.
Семинарда ғылыми зерттеулердің нәтижелерін жариялау үшін журналды іздеудің алгоритмі ұсынылды. Қатысушылар ҚР Ғылым және жоғары білім саласындағы сапаны қамтамасыз ету комитеті ұсынған журналдарда ғылыми мақаланы жариялау үшін өтінім беру ережелерімен және қабылдау шарттарымен танысты. Сондай-ақ кафедрадан қажетті бөлімді аталған комитет ұсынған басылымдар тізіміне енгізу жөніндегі ұсыныстар берілді. Қатысушылар өздерін қызықтырған сұрақтарын қойып, толыққанды жауаптар алды.
Семинар қорытындысы бойынша магистранттардың ғылыми-зерттеу жұмыстары бойынша дайындық сапасын арттыруға, сондай-ақ оқытушылардың кәсіби құзыреттіліктерін дамытуға мүмкіндік беретін ұсыныстар әзірленді.
