Ахмет Байтұрсынұлы атындағы ҚӨУ-де Ғылым күніне орайластырылыпе Жас ғалымдар кеңесінің қолдауымен және бастамасымен ұйымдастырылған «Интегралдық раундтейбл: білім мен тәжірибе бірлестігі» атты дөңгелек үстел өтті. Мақсаты – білім, тәжірибе және идеяларды біріктіру мен бөлісудегі әртүрлі мамандықтағы студенттерге арналған платформаны қамтамасыз ету.
Психология кафедрасының аға оқытушысы, педагогика ғылымдарының магистрі Аин Рахматулиннің модераторлығымен Жас ғалымдар кеңесінің мүшелері сарапшылар ретінде сөз сөйледі.
Оқу ордамыздың зерттеулер, инновациялар және цифрландыру жөніндегі проректоры Жеңіс Жарлығасов басқосудың алғы сөзінде ғылыми зерттеулерге қатысу жастардың таңдаған саласындағы білімдерін кеңейтуге және ғылымның дамуына өз үлесін қосуға мүмкіндік беретінін, сондай-ақ нақты тақырыпты терең түсінуге әрі кәсіби дағдыларды дамытуға ықпал ететінін атап өтті.
2-3 курс студенттері де түрлі білім беру бағдарламалары бойынша өз зерттеулері мен ғылыми идеяларын ұсынды. 27 баяндаманың барлығы да ғылымның әртүрлі салалары арасындағы байланыс нүктелерін таба алатынын көрсетті, олардың сөйлеген сөздері өзекті тақырыптарды қозғап, динамикалық және нәтижелі талқылау атмосферасына ұласты.
Дөңгелек үстелдің сарапшылары Анель Акижанова мен Эльвира Қасымованың биотехнология ғылымының перспективалары мен мүмкіндіктері туралы «Биотехнология: жетістіктері мен болашағы»; Аружан Қазымбектің 1920-30 жылдардағы мемлекеттік діни саясат мәселелері қозғалған «1920-30 жылдардағы мемлекеттік конфессиялық саясат және оны іске асыру механизмдері» тақырыптарындағы баяндамалары өзекті; Кристина Фриц «Цифрлық ақпараттық кеңістіктегі этикалық нормалардың трансформациясы» тақырыбында цифрлық ақпараттық кеңістіктегі этикалық нормалардың трансформациясын қарастырып, цифрлық дәуір жағдайындағы нормалар мен құндылықтарды қайта қарау қажеттігін атап өтті; Батырхан Олжабаев қазіргі қоғамның өзекті мәселесі – «Құмар ойындар адам психикасына қалай әсер етеді» тақырыбын таңдапты.
Дөңгелек үстелдің барлық қатысушыларына ғылым және коммерцияландыру басқармасының басшысы Андрей Коваль сертификаттар табыстап, қатысқандары үшін алғысын білдірді.
