13 наурыз күні Аграрлық-техникалық институттың биология және экология кафедрасының ұйымдастыруымен студенттер мен жас ғалымдардың «Қазіргі заманғы биология әдістемесі, теориясы мен тәжірибесі» атты V халықаралық ғылыми-тәжірибелік конференциясы өтті. Конференцияның мақсаты – елдердің, аймақтардың, ғылыми-педагогикалық және ғылыми-зерттеу топтарының, сондай-ақ жеке зерттеушілердің өзара зияткерлік баюына ықпал ету.
Іс-шара барысында 6 секция жұмыс жасады. Онда жануартанудың, өсімдіктану және өсімдіктер физиологиясының өзекті мәселелері; анатомия және адам мен жануарлар физиологиясының кейбір сұрақтары; молекулалық биология және генетиканың даму келешектері мен негізгі ойлары; адамның қоршаған ортамен арақатынасы, қазіргі кезеңдегі биологияны оқыту әдістемесі мәселелері сөз болды.
Конференцияға қатысуға 130-дан астам Қазақстанның және алыс-жақын шет елдердің жоғарғы оқу орындары мен ғылыми-зерттеу ұйымдарының студенттері мен жас ғалымдары өтініш білдірді. Олардың көбі онлайн режимде қатысты.
