Baitursynuly University профессоры Литва денсаулық сақтау ғылымдары университетіне (LSMU, Каунас) іс-сапармен барды.
Ветеринария ғылымдарының докторы, профессор Александра Тегза бұл сапар литвалық жоғары оқу орнымен 2012 жылдан бері жалғасып келе жатқан ынтымақтастығымыздың маңызды кезеңі болғанын атап өтті
– Сол уақытта мен докторантқа шетелдік ғылыми жетекші іздедім және LSMU-дың ветеринария факультетінің деканы, профессор Альбина Анюленеге жүгіндім.
Оның жылы қабылдауы университеттер арасындағы жемісті серіктестіктің бастамасы болды.
Сол жылы профессор Анюлене Қостанайға келіп, «Байтұрсынұлы оқулары – 2013» конференциясына қатысып, кездесулер мен кеңестер өткізді.
Кейіннен Қостанай университетінің өкілдері де Литвада тағылымдамадан өте бастады. Тәжірибе алмасу, бірлескен ғылыми зерттеулер, шетелдік ғалымдардың Қостанайда дәріс оқуы – бұл серіктестік жылдан-жылға нығайып келеді.
Бүгінде бұл – екі ел ғалымдарының он жылдан астам уақыт тексерілген тұрақты ғылыми байланысы.
Осы жылдың сәуір айында профессор Тегза тағы да LSMU университетіне барып қайтты.
– Қазір біз Литвадағы әріптестерімізбен бірге ғылыми зерттеулер жүргізіп жатырмыз, – дейді Александра Алексеевна. – Зерттеу нәтижелерін жариялауға материал дайындап, ғылыми жобаға байқауға өтінім беру үшін эксперимент бағытын түзетудеміз.
Бұл – пікірлес жандар кездескенде болатын жағдай. Жаңа идеялар, үлкен жоспарлар және қажырлы еңбек.
Сонымен қатар университетте өтетін іс-шараларға қатысуға да мүмкіндік туып отыр. Олардың қатарында патология/сот сараптамасы модулі бойынша есеп беру презентациялары, болашақ ветеринарлар игерген курстар бойынша практикалық тапсырмалар түріндегі емтихандар, кәсіби тақырыптардағы пікірталастар бар.
Оқытушының айтуынша, жұмыстан тыс уақытта да бірлескен жобалар үшін жаңа мүмкіндіктер ашылуда.
– Мұндай бағыттардың бірі – көшеде қараусыз жүрген жануарлардың санын бақылау жүйесін ұйымдастыру. Еуропада болғандар жақсы біледі, ол жақта көшеде қараусыз қалған мысықтар мен иттерді кездестірмейсіз. 2022 жылдың наурыз айында күшіне енген Қазақстан Республикасының «Жануарларға жауапкершілікпен қарау туралы» Заңы аясында литвалық әріптестеріміздің тәжірибесі аса құнды
Біздің ынтымақтастығымыз қарқынды дамып келеді, әрі университеттер арасында білім мен тәжірибе алмасуға жол ашылуда. Алда талай қызықты жобалар күтіп тұрғанына сенімдімін!
