Baitursynuly University студенттері Елдана Болатова мен Ақерке Орынбек «ЖЫЛДЫҢ ҮЗДІК СТУДЕНТІ - 2024» халықаралық байқауының жүлдегерлері атанды!
Іс-шараны «Ұлттық ғылыми және инновациялық зерттеу академиясы» (NATIONAL ACADEMY OF SCIENTIFIC AND INNOVATIVE RESEARCH (NAcSIR) ұйымдастырды.
Марапаттау рәсімі Астана қаласында өтіп, ең дарынды жас ғалымдарды бір арнаға тоғыстырды. Байқаудың басты өлшемі - студенттердің ғылымды дамытуға қосқан үлесі болды.
ҚӨУ-дің «Арнайы педагогика» білім беру бағдарламасының 3 курс студенттері Елдана Болатова мен Ақерке Орынбекке «ЖЫЛДЫҢ ҮЗДІК СТУДЕНТІ» атты жинақтар, статуэткалар, медальдар және ІІ дәрежелі дипломдар табысталды.
Ғылыми жетекшісі - педагогика, психология және арнайы білім беру кафедрасының аға оқытушысы Райхан Бегежанова.
Студенттерімізді шын жүректен құттықтаймыз және оқу мен ғылымда табыс тілейміз!
