Al week: Біз және біздің БОЛАШАҒЫМЫЗ туралы

Байтұрсынұлы университетінде Al week апталығы басталды. Апталықтың алғашқы шарасы шетелдік ғалымдардың қатысуымен өткізілген жасанды интеллект семинардан бастау алды.

Бүгін ҚӨУ Smart-орталығында ең белсенді студенттер мен ұстаздарымыз жиналды.

Семинар тақырыбы – «Жасанды интеллект: шақырулар мен мүмкіндіктер».

Спикерлер: University of Minnesota Morris (США) профессоры Peter Dolan және Оңтүстік Кореяның бағдарламалық қамтамасыз ету кафедрасының оқытушысы Deokjae Lee.

Семинардың негізгі сәттері:

• ЖИ-дың тарихы мен дамуы — Peter Dolan жасанды интеллекттің қалыптасу кезеңдерін айтып өтті: эксперттік жүйелерден бастап қазіргі заманғы технологияларға дейінгі жол
• Машиналық оқыту және қолдану салалары — модельдерді қалай оқытатынын және оларды нақты өмірде, мысалы, кескіндерді талдау немесе трендтерді болжау сияқты тапсырмаларда қалай қолданатынын көрсетті.
• Қазіргі заманғы ЖИ технологиялары — Компьютерлік көру, табиғи тілді өңдеу, ұсыныс жүйелері сияқты технологиялардың экономиканы дамытуға және білім беру саласында жаңа мүмкіндіктер ашуға әсері көрсетілді.
•  ChatGPT және генеративті модельдер — үлкен тілдік модельдерді қолданудың мүмкіндіктері мен қиындықтары талқыланды.
• ЖИ-ның болашақтағы рөлі — Deokjae Lee жасанды интеллекттің технологиялық прогрестің басты драйвері екенін атап өтті.

Ол «Терминатор 2» фильмінен мысал келтіріп, фантастика мен шынайы технологияның айырмашылығын көрсетті. Сондай-ақ тілдік модельдердің құрылымы, жұмыс істеу принциптері мен олардың білім, ғылым және бизнесте қолдану мүмкіндіктері туралы толық түсіндірді

Peter Dolan мен Deokjae Lee жасанды интеллекттің XXI ғасырдың басты технологиясы екенін айтып, Қазақстанда университеттер мен ғылыми орталықтардың белсенді қатысуымен осы бағытты одан әрі дамытуға зор мүмкіндік бар екенін ерекше атап өтті.

Семинар студенттер мен оқытушылардың қызығушылығын оятып, болашақ технологиялар жайлы ой-пікір алмасуға керемет мүмкіндік туғызды.