Baitursynuly University жаратылыстану пәндері кафедрасында мектеп оқушыларына арналған ашық есік күні өтті. ҚӨУ-де қонақта болғандар арасында Қостанай ауданы, Александров орта мектебінің, Ы.Алтынсарин атындағы мамандандырылған мектеп-интернаты және Рудный қаласының №4 мектеп-лицейінің оқушылары болды.
Болашақ талапкерлер жаратылыстану пәндері кафедрасының ерекше атмосферасына куә болды. Олар химиялық және зертханалық тәжірибелерді бақылап, картографиялық құралдармен жұмыс істеді, топырақ үлгілерімен тәжірибе жасады. Ең қызықтысы, орнитология әлемімен танысу болды – оқушылар құстарды анықтау құралын көріп, құстардың даусын тыңдады.
Экскурсияның келесі бөлімі палеонтология мұражайы болды. Мұражайдан кейін оқушылар кафедра студенттері дайындаған басқатырғыштарды шешіп, қызықты квестке қатысты.
Оқушылар бұл кездесуден ерекше әсер алды. Көптеген оқушылар келесі жылы Baitursynuly University-не студент ретінде қайта оралатындарын атап өтті!
