Барлық деңгейдегі білім беру ұйымдарының басым бағыттарының бірі – мүмкіндігі шектеулі жандардың болашақта қоғаммен тез байланысуына мүмкіндік беретін, оларды әлеуметтік қорғаудың қуатты құралы ретінде инклюзивті білім беруді дамыту.
А.Байтұрсынов атындағы ҚӨУ-нің психология кафедрасының бастамасымен, сонымен қатар Челябі мемлекеттік университетінің, облыс колледждері мен мектептерінің психологтарының, қалалық және аудандық бөлім басшыларының қатысуымен ақпан айының басында инклюзивті білім беру қажеттіліктері бар жастармен «Кәсіптік бағдар жұмысын ұйымдастырудың заманауи тәсілі» атты вебинар өткізілді.
Вебинарға 200-ден астам адам қатысты.
Баяндамашылар: Челябі мемлекеттік университетінің «Мүгедектерді оқытудың облыстық ресурстық оқу-әдістемелік орталығы» басшысының орынбасары, доцент Наталья Романович; сондай-ақ жоғары санатты психолог, п.ғ.к., Қостанай өңірлік университетінің профессоры Лилия Саркисян; Инновациялық білім беру технологиялары орталығының жетекшісі Сәуле Айткужинова.
Вебинардың мазмұны қатысушылар тарапынан қызығушылық тудырды, тыңдаушылар кәсіптік бағдар беру жұмысының өзектілігін жоғары бағалады және осы өзара әрекеттестік форматын жалғастыруды, ерекше білім беру қажеттіліктері бар студенттерге кәсіптік бағдар беру мәселелерін әлі де талқылауды ұсынды.
Психология кафедрасының аға оқытушысы Нұргүл Әубәкірова мектеп оқушылары мен колледж студенттерін «Психология» мамандығына түсу шарттарымен таныстырды. Вебинардың барлық қатысушылары үшін университеттегі білім беру бағдарламалары туралы ақпарат берді.
