Бүгін Baitursynuly University өз есігін өңір мектептерінің оқушыларына, колледж студенттері мен барлық ниет білдірушілерге айқара ашты.
Алғашқы «Ашық есік күні» жоғары деңгейде, көтеріңкі көңіл күймен өтті.
Қонақтарды университеттің бас ғимаратында орналасқан Экономика және құқық факультеті мен Әлеуметтік-гуманитарлық ғылымдар факультетінің студенттері мен оқытушылары қарсы алды.
Келушілерге интерактивті көрмелер, кәсіби кеңестер, танымдық викториналар, имидждік сыйлықтар ұсынылып, ең бастысы - студенттермен еркін әрі шынайы әңгімелесу мүмкіндігі туды. Экскурсиялар, шеберлік сабақтар, флешмобтар және жаңа таныстықтар бұл күнді ерекше әрі есте қаларлықтай етті.
Іс-шараға қатысқан барша қонақтарға алғыс білдіреміз! Алдағы екі «Open Day» де дәл осындай жоғары қызығушылық пен көтеріңкі көңіл күй күтеміз!
11 сәуір, 15:30 – ауыл шаруашылығы және машина жасау факультеттерінің ғимараты (Абай даңғ., 28) - ауыл шаруашылығы, экология, ветеринария, машина жасау, энергетика және IT салалары.
18 сәуір, 15:30 – педагогикалық институтта (Тәуелсіздік көш., 118) педагогикалық бағыттағы білім беру бағдарламалары бойынша таныстырылым өтеді.
