Жақында Baitursynuly University биология, экология және химия кафедрасы - Қостанай қаласының №7 мектебінің оқушыларын қабылдады. Олар үшін ауыл шаруашылығы ғылымдары факультетінде қызықты экскурсия ұйымдастырылды.
Мектеп оқушылары университеттің заманауи зертханаларымен танысып, энтомологиялық музей мен «Жасыл орталыққа» барды. Бұл жерде олар көптеген жаңа әрі қызықты мағлұмат алды.
Әсіресе «Химия» білім беру бағдарламасының студенттері көрсеткен химиялық тәжірибелер ерекше әсер қалдырды. Балалар заттардың түрленуін тамашалап, ғылымның таңғажайып әлеміне енгендей болды.
Экскурсия оқушылар үшін маңызды оқиғаға айналды. Тіпті бірқатары болашақ мамандығын таңдауда өз шешімін тапқандай болды.
