Психология кафедрасының отырысында Экономика және құқық институтында өтіп жатқан «Инновациялар панорамасы» аясында Академиялық жұмыс басқармасының инновациялық білім беру технологиялары зертханасының қатысуымен «ЖОО оқытушысына арналған SOFT SKILLS» оқыту семинарын өткізу идеясы талқыланды және жоспарға енгізілді.
Оқытушының күнделікті тәжірибесінде икемді дағдыларды қалыптастыру - семинардың басты міндеті осы. Оқыту семинарына Ресейдің жоғары оқу орындары да қатысты. Олар: Оңтүстік федералдық университет және Н.Ф. Катанов атындағы Хакас мемлекеттік университеті.
Іс-шараның модераторлары Гүлнара Сатқанғұлова мен Сәуле Айтқужинова тректердің негізгі бағыттарын жасады.
1-тректі «Тайм-менеджмент» шеберлік сыныбы түрінде Н.Ф. Катанов атындағы Хакас мемлекеттік университетінің аға оқытушысы Елена Теселкина өткізді.
2-трек «Көшбасшылық және өзін-өзі дамыту» тақырыбына арналған. Модераторы - доцент, психология ғылымдарының кандидаты, Оңтүстік Федералдық Университетінің оқытушысы (Ресей, Ростов на Дону) Наталья Мозговая.
3-ші тректе Н.Ф. Катанов атындағы Хакас мемлекеттік университетінің доценті, психология ғылымдарының кандидаты, (Ресей, Абакан) Ольга Япарова өзгерістер мен стрессті басқару тәжірибесімен бөлісті.
4-тректе психология магистрі, А.Байтұрсынов атындағы ҚӨУ-нің Психология кафедрасының аға оқытушысы Олеся Ельчищева коммуникация дағдыларының маңыздылығы және сындарлы қарым-қатынас әдістері туралы айтты.
Семинарға барлығы 70-тен астам адам қатысты. Олар студенттердің жұмсақ дағдыларды (soft skills) игеруіне арналған практикалық кеңестер жасады. Университеттер деңгейіндегі іс-шаралар оқу процесінің көпжақты қалыптасуына ықпал етеді, тәжірибе алмасу мен даму - негізгі дағдылар.
