Қазақстанда жыл сайынғы «Жоғары оқу орнының үздік оқытушысы – 2021» республикалық байқауына құжат қабылдау басталады. Байқауға үздіксіз ғылыми-педагогикалық өтілі 5 жылдан кем емес, оқу және ғылыми-зерттеу қызметінде жоғары жетістіктері бар оқытушылар қатыса алады. Байқау екі кезеңде өтеді – университетішілік және республикалық. Ректордың 2021 жылғы 21 қазандағы бұйрығына сәйкес А.Байтұрсынов атындағы ҚӨУ-да комиссия құрылып, оның құрамына «Жоғары оқу орнының үздік оқытушысы» байқауының жеңімпаздары енді, жұмыс кестесі бекітілді. Университетішілік конкурсқа қатысуға 16 өтініш келіп түсті, кейін 3 үміткер конкурсқа қатысудан бас тартты. Енді сайысқа 13 үміткер түсетін болады.
Конкурстық комиссиясының сараптамалық қорытындысы бойынша «Жоғары оқу орнының үздік оқытушысы» республикалық конкурсына қатысуға келесі үміткерлер ұсынылды:
Амангелді Шөрентаев – PhD докторы, Журналистика және коммуникациялық менеджмент кафедрасының меңгерушісі, 51 балл;
Алмасбек Абсадық – филология ғылымдарының докторы, әлеуметтік-гуманитарлық пәндер кафедрасының профессоры, 45 балл;
Бахтияр Жарлықасов – техника ғылымдарының магистрі, Физика, математика және цифрлық технологиялар кафедрасының аға оқытушысы, 42 балл;
Налима Сартанова – э.ғ.к., Экономика және қаржы кафедрасының профессоры, 37 балл;
Татьяна Глущенко – э.ғ.к., Электр энергетикасы кафедрасының қауымдастырылған профессоры, 34,5 балл;
Наталья Папуша – ауыл шаруашылығы ғылымдарының кандидаты, МшӨӨТ кафедрасының қауымдастырылған профессоры, 32 балл;
Қуаныш Рыспаев – PhD докторы, Машина жасау кафедрасының профессоры, 29,5 балл;
Анара Елеусізова – PhD докторы, Ветеринариялық санитария кафедрасының қауымдастырылған профессоры, 27 балл;
Маргарита Тричик – PhD докторы, Шетел филологиясы кафедрасының қауымдастырылған профессоры, 26 балл;
Әлібек Әлімбаев – физика-математика ғылымдарының магистрі, Физика, математика және цифрлық технологиялар кафедрасының аға оқытушысы, 20 балл.
Байқаудың келесі кезеңдерінде сәттілік тілейміз! «Жоғары оқу орнының үздік оқытушысы -2021» республикалық байқауының жеңімпазы 6 млн теңге көлеміндегі қаржылай сыйлықтың иегері атанады. Бағалы сыйлық ҚӨУ-нің оқытушыларының біріне бұйырады деген сенімдеміз!
