Құрметті достар, біз сіздермен университетімізде болып жатқан маңызды оқиғалармен әрқашан бөлісіп тұрамыз.
Бүгін А.Байтұрсынов атындағы ҚӨУ-нің Басқарма Төрағасы-ректоры м.а. Ербол Исақаев жұмыс сапармен Ғұмарбек Дәукеев атындағы Алматы энергетика және байланыс университетінде (АЭжБУ) болды.
АЭжБУ – Қазақстан мен Орталық Азиядағы жетекші техникалық жоғары оқу орындарының бірі.
ҚӨУ мен АЭжБУ басшылары бірлескен ғылыми жобалар, тағылымдама, академиялық ұтқырлық, оқытушылардың ұтқырлығы, сондай-ақ Қостанай облысының кәсіпорындары үшін бірлескен ғылыми әзірлемелер даярлаудың перспективалары туралы талқылады және жоспар құрды.
Оқу орындары жақын арада «Энергетика», «Ақпараттық жүйелер», «Ауыл шаруашылығы техникасы мен технологиялары» білім беру бағдарламалары бойынша қос дипломды білім беру бағдарламасын енгізуді жоспарлап отыр.
Әріптестер мен серіктестерге сәттілік тілейміз!
